അസതോ മാ സദ്ഗമെയ
Lead me from untruth to truth;
തമസോ മാ ജ്യോതിര്‍ ഗമയ
Lead me from darkness to light;
മൃത്യോര്‍ മാ അമൃതം ഗമെയ !
Lead me from death to immortality.

പേജുകള്‍‌

Wednesday, January 26, 2011

ഇന്ത്യക്കാരനായതില്‍ അഭിമാനിക്കുക!




രാജ്യം അതിന്റെ അറുപത്തി രണ്ടാമത് റിപ്പബ്ലിക് ദിനം ആഘോഷിക്കുമ്പോള്‍ നാം ഒരു പുനര്‍ വിചിന്തനം നടത്താന്‍ സമയമായില്ലേ എന്ന് സ്വയം ചിന്തിക്കുക!
നാട്ടു രാജ്യങ്ങളുടെ ഒരു കൂട്ടമായിരുന്ന ഭാരതത്തെ ഇന്ന് നാം കാണുന്ന ഭാരതം ആക്കാന്‍ വേണ്ടി സ്വന്തം ജീവിതം പോലും ബലിയര്‍പ്പിച്ച പതിനായിരക്കണക്കിനു പൂര്‍വികരെ നാം ഓര്‍ക്കാറുണ്ടോ?
സ്വന്തം  ജീവന്‍ പോലും നഷ്ടപ്പെടുത്തി നമ്മുടെ പൂര്‍വികര്‍ നേടിത്തന്ന സ്വാതന്ത്ര്യം  പല വിധത്തിലുള്ള ഭീഷണികള്‍ നേരിടുന്ന ഇന്ന് നമ്മുടെ നിലപാടുകള്‍ ഭാരതത്തിന്റെ അഖണ്ഡതയും ഐക്യവും നിലനിര്‍ത്തുന്നതില്‍ എത്രത്തോളം സഹായകരമാണ്?

Tuesday, January 25, 2011

മലയാളത്തിന്റെ പ്രിയ കവിയ്ക്ക് അഭിനന്ദനങ്ങള്‍ !


ഓ എന്‍ വി മാഷിനു പത്മവിഭൂഷന്‍ !

ആരെയും ഭാവഗായകനാക്കും കവിതകളിലൂടെ ആത്മാവില്‍ മുട്ടിവിളിക്കുകയും മലയാള കാവ്യ ലോകത്ത് ഒരായിരം ശ്യാമ സുന്ദര പുഷ്പങ്ങള്‍ വിരിയിക്കുകയും   തോന്ന്യാക്ഷരങ്ങളിലൂടെ  ഒരു തുള്ളിവെളിച്ചം മലയാളിക്ക് പകര്‍ന്നു നല്‍കുകയും ചെയ്ത മലയാളത്തിന്റെ പ്രിയ കവിക്ക്‌..
                                          അഭിനന്ദനത്തിന്റെ ഒരായിരം നറുമലരുകള്‍!


ഓര്‍മയുടെ മധുരം നിറയുന്ന ആ നല്ല നാളുകള്‍ മടങ്ങി വരുമെന്ന പ്രതീക്ഷയില്ലെങ്കിലും നമുക്കും ചേര്‍ന്ന് പാടാം.....
                          ഒരു വട്ടം കൂടിയെന്‍ ഓര്‍മ്മകള്‍ മേയുന്ന 
                          തിരുമുറ്റത്തെത്തുവാന്‍ മോഹം 
                          ..............................................
                           വെറുതെയീ മോഹങ്ങള്‍ എന്നറിയുമ്പോഴും    
                           വെറുതെ മോഹിക്കുവാന്‍ മോഹം!

Monday, January 24, 2011

സംഗീത സാമ്രാട്ടിനു ആദരാഞ്ജലികള്‍!

  
                                                 ഹിന്ദുസ്ഥാനി സംഗീത ലോകത്തെ കുലപതി 
                                          ഭാരതരത്നം ഭീം സെന്‍ ജോഷിയ്ക്ക് ആദരാഞ്ജലികള്‍!


ദേശീയോദ് ഗ്രദനം  പരിപോഷിപ്പിക്കുകയും വിവിധ ജനവിഭാഗങ്ങള്‍ക്കിടയില്‍ ഐക്യവും ഊട്ടിയുറപ്പിക്കുക എന്ന ഉദ്ദേശത്തോടെ 1988 ലെ സ്വാതന്ത്ര്യ ദിനത്തോടനുബന്ധിച്ചു ദൂരദര്‍ശനും വാര്‍ത്ത വിതരണ വകുപ്പും ചേര്‍ന്ന് നിര്‍മിച്ച മിലെ സുര്‍ മേരാ തുമാര..... എന്ന പ്രശസ്ത ഗാനമാണ് ഒരു പക്ഷെ അദ്ദേഹത്തെ സാധാരനക്കാര്‍കിടയില്‍ കൂടുതല്‍ പരിചിതനാക്കിയത്‌. ഒരിക്കല്‍ കൂടി കേള്‍ക്കൂ...



ആ മഹാ പ്രതിഭയുടെ ദീപ്തമായ സ്മരണകള്‍ക്ക് മുന്‍പില്‍ ഒരുപിടി അശ്രുപുഷ്പങ്ങള്‍!

Friday, January 21, 2011

ജ്യോതിക്കൊരു ചരമഗീതം!



 അങ്ങനെ ദശലക്ഷക്കണക്കിനു ഭക്തരുടെ ഭക്തിയെ ചൂഷണം ചെയ്യുകയും കാശ് കൊള്ളയടിക്കുകയും ചെയ്ത ഒരു അദ്ഭുത പ്രതിഭാസം അകാല ചരമത്തിലേക്ക്!
മകരവിളക്ക്‌ എന്നത് ഒരു ദൈവിക പ്രതിഭാസമോ വിശ്വാസ പ്രതീകമോ ഒന്നുമല്ലെന്നും പകരം ചൂഷണത്തിനായി ഏതോ കുബുദ്ധികളുടെ തലച്ചോറില്‍ ഉദിച്ച ഒരു ദിവ്യ ജ്യോതി മാത്രമാണെന്നും തുറന്നു സമ്മതിക്കാന്‍  നാം എന്തേ ഇത്ര വൈകി?നമ്മുടെ മനസ്സില്‍ വേരുപിടിച്ച  പോയ ഒരു അന്ധ വിശ്വാസത്തെ പറിച്ചെറിയാന്‍ തക്കവണ്ണം നമ്മുടെ മനസുകള്‍ വളര്‍ച്ച പ്രാപിക്കാത്തത് കൊണ്ടോ? കാര്യ കാരണ സിദ്ധാന്തത്തിനു ആത്മീയതയുടെ,ഭക്തിയുടെ പുറം മോടിയില്ലാത്തതുകൊണ്ടോ?
 നൂറിലധികം ജീവനുകള്‍ കുരുതി കൊടുക്കേണ്ടി വന്നു പതിറ്റാണ്ടുകളായി നാം തൊണ്ട തൊടാതെ വിഴുങ്ങിയിരുന്ന